SAFARI YA KUUSAKA MWEZI (sehemu ya pili)

By

Hatutaki uhasama wala vita tena katika nchi hii… hivyo atakayekwenda huko aende kutatua matatizo kwa njia ya Amani.” Mfalme alikohoa kidogo kisha akaendele kuzungumza kwa sauti kubwa zaidi,
            “Kama mjuavyo chombo chetu cha masafa ya mbali huwa hakiwezi kupandwa na mtu mzima ila mtoto mdogo tu kwa sababu ya nguvu ya mvutano ya Dunia, hivyo anatakiwa apatikane mtoto mdogo asiyezidi miaka 15 na asiyepungua miaka minane…”
Kabla mfalme hajaendelea kuzungumza, nilipaaza sauti huku nikisogea mahala aliposimama,
            “Mimi Nkenye, nitakwenda Vumu kuusaka mwezi, nina umri wa miaka tisa, nimekuwa nikifanya kazi ya kuusafisha mwezi pale unapochafuka na kutoa mwanga hafifu, pia mimi ni mtoto wa shujaa Mako aliyemwangamiza mfalme wa vichawi vya anga kwa kipande cha sindano butu!”
Umati mzima ulinishangilia, mfalme akanikumbatia, bila shaka ni kwa sababu ya ujasiri mkubwa niliouonesha. Watu wote waliamuliwa kuondoka, baba, mama na kaka yangu Mowasha walibaki kunitakia kwa heri ya kuonana! Baba alinisogelea na kuninong’oneza maneno haya,
            “Wewe ni mtoto wa shujaa nenda kaipiganie nchi yako… usitetereke!” nilitikisa kichwa kuashiria kwamba nilikubaliana na maneno yake, kisha aliniachia, mama alinifuata akanikumbatia, hakusema neno, Mowasha alinishika mkono huku akisema,
            “Ukifika huko, nichukulie zeze… nasikia vijitu ni vitaalamu vya kutengeneza vyombo vya muziki!”
            “Ha! Ha! Ha! Nitakuletea…” nilijibu, baada ya hapo mkuu wa usalama akanichukua, ndugu zangu wakaelekea nyumbani.
Mkuu wa usalama alinipeleka mpaka katika chumba maalumu ambacho kiliandaliwa kwa ajili ya kuniaga, humo ndani alikuwamo mfalme na mawaziri wake wote, nilipofika  niliwasalimu kwa heshima kisha nikakaa katika kiti kimojawapo. Mfalme alisimama akaanza kuzungumza.
            “Nkenye, jambo hili ni la haraka sana hivyo hatuna muda wa kupoteza, tumekuita humu kukuaga na kukutakia kila lenye heri katika safari yako, utaondoka sasa hivi kwenda kuusaka mwezi, utapaa na chombo cha Mapandagila214… wewe si mgeni katika kutumia chombo cha masafa ya mbali hivyo tunategemea mafanikio makubwa kutoka kwako.” Mfalme alimaliza, wote wakanipigia makofi kama ishara ya kunitia moyo.
Mfalme na watu wengine wote waliokuwamo waliinuka, wakanipeleka katika uwanja mpana uliokuwa katikati ya jengo la mfalme ambapo hapo ndipo Mapandagila 214 ilihifadhiwa. Mapandagila 214, ilifanana na jabali gumu, ilikuwa kubwa kutosha kukaa mtoto mmoja tu. Kilikuwako chombo kingine cha masafa ya mbali kiliitwa Mapandagila 107. Hiki kiliacha kutumika baada ya kuvumbuliwa Mapandagila 214 ambacho kilikuwa cha kisasa zaidi.

Tulifika na kumkuta binti mfalme aliyeitwa Minza akimalizia kuifuta Vumbi Mapandagila 214. Minza alikuwa na umri sawa na wangu, binti huyu alipenda sana kufanya kazi hata ungemwona usingedhani kwamba alikuwa binti mfalme!

Itaendelea Jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»