SAFARI YA KUUSAKA MWEZI (sehemu ya sita)

By


Looh kabla hata sijamaliza kusema, wali na nyama ya kuku ulikuwa mezani. Nilikula haraka haraka huku watu wote wakinishangaa, sikuwajali, kwa njaa niliyokuwa nayo, nilistahili kula hivyo.

Wakati nikiendelea kula, kuna jambo lilinishangaza, binti waziri alikuwa akiteta jambo na mfalme, huku wakinitazama sana. Nilipotazama pembeni sikumuona rafiki yangu Chokusi. Nikahisi hatari kubwa ilikuwa ikininyemelea.

Niliendelea kula nikiwa na mashaka, mpaka chakula chote nikakimaliza. Mfalme akanitaka nikalale, pia akanieleza ya kwamba kesho alikuwa na mazungumzo muhimu sana na mimi. Nilikubali kisha nikajikokota katika chumba kilichokuwa jirani, humo nilimkuta mwana mfalme Chokusi amekwisha lala. Nikaungana naye.

Asubuhi niliamshwa na Chokusi, akaniomba tukacheze mpira wakati tukisubiri chai. Hapo nikagundua ya kwamba nchi hii watu wake hawapigi mswaki.

“Aaah, mfalme alisema anataka kuzungumza nami, hivyo nisindikize kwanza nikamuone.” Nilimjibu Chokusi, haraka akanisindikiza mpaka alipokaa mfalme.

Tulifika na kumkuta mfalme akiwa amevalia mavazi meupe, pembeni yake alikaa binti waziri, shingoni akiwa kauning’iniza upembe wa shaba! Mtu wa tatu alikuwa yule mzee wa jana aliyetoa habari za binti waziri.

Niliruhusiwa kukaa katika kiti kimojawapo, Chokusi akaambiwa apishe, naye akatii kwa adabu. Nikiwa nimekaa mfalme akaanza kuzungumza nami.

“Mwanadamu sisi ni viumbe wema kwako, tumekusaidia nawe sasa ni zamu yako kutusaidia. Kuna hazina ya vitabu muhimu sana vya mafanikio vilifichwa nchi ya mbali, sehemu palipo vitabu hivi kuna sumaku kali ambayo ndiyo sumu kwetu, viumbe wa chuma hunaswa na sumaku na huo huwa mwisho wetu. Lakini wewe mwanadamu wa nyama, sumaku haina madhara kwako… tafadhali tunaomba utusaidie kuvipata vitabu hivyo!”
Nilijua ni kazi rahisi tu, nikamjibu mfalme kuwa nilikuwa tayari kwenda hata asubuhi ile. Mfalme akanijibu,

“Asante sana… lakini nilisema vitabu hivi vilifichwa mbali sana, kufika huko sio safari ya siku moja, ni safari ya miaka tisa kwenda, kwa hivyo itakuchukua miaka kumi na nane kwenda na kurudi!”

Taarifa hiyo ilinishtua sana, nikajikaza na kumweleza mfalme,

“Haiwezekani… ndugu zangu hawawezi kuishi miaka kumi na nane bila mwezi… ni lazima nikautafute mwezi wetu na kuurejesha nyumbani mapema iwezekanavyo.”
Mzee aliyekuwa pembeni akafoka,

            “Akisemacho mfalme ni amri, huna haki ya kupinga… utake utakwenda usitake utakwenda.”


Baada ya mzee kutoa maneno makali, mfalme alinyanyuka kisha bila kutegemea nilikamatwa na askari sita, wakanipeleka mpaka katika chumba kimoja kidogo kilichokuwa na giza kali wakaniacha humo, nikiwa sina lolote la kufanya.

itaendelea jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»