RIWAYA| SITASAHAU NILIPOLALA NA MWANAMKE JUU YA KABURI (22)

By
SITASAHAU NILIPOLALA NA MWANAMKE JUU YA KABURI (22)

KAMA ULIIKOSA SEHEMU ILIYOPITA ISOME HAPA: SITASAHAU NILIPOLALA NA MWANAMKE JUU YA KABURI (21)
Kisha endelea kuisoma...
Mzee Samike alikuwa uvunguni. Nilistaajabu nikauliza, “umefikaje nami nimekuacha nje?” hakunijibu. Alicheka akitoka chini ya uvungu na kukaa kitandani.
“Unafahamu kisa cha mimi kupelekwa jela?” aliniuliza.
“Sifahamu mzee…”
“Nilimfanyia mauzauza afisa mmoja wa jeshi la polisi. Kwa hasira akanitengenezea kesi bandia. Hata hivyo hawakuniweka sana wakaniachia!”
“Ndiyo mzee… nilikuona gerezani nikiwa katika harakati za kukutafuta!”
“Hata mimi nilikuona!” Alijibu, tukabaki tukitazamana kwa mshangao!
“Chakula chako kiko sebuleni… kwa sasa nahitaji kuzungumza nawe kuhusu kuyakomesha haya mauzauza yako,” mzee alisema. Nikapata matumaini.
Tulifanya mazungumzo yaliyonipa matumaini makubwa. Mzee alinambia amekwisha mzuia mtu wa ajabu na kamwe sitamuona tena. Nilifurahi nikashangilia kwa ushindi. Pia, mzee alisema hapendi kuniona nikihangaika na kazi zisizoeleweka, akaniomba nihamie kwake ili nishirikiane naye katika shughuli ya uvuvi. Sikuwa na pingamizi, nilikubali mwenye furaha ya kutosha. Nikiwa na matumaini ya kufanikiwa na kudhani mwisho wangu wa kupambana na vitu vya ajabu ulifika, jambo jipya likaongezeka.

“Asante kwa kukubali kuishi hapa na kushirikiana nami katika shughuli za uvuvi,” mzee alishukuru, “hata hivyo, kuna kazi naomba unisaidie!”
“Kazi gani tena mzee? Uvuvi ndo huu… kuna kingine?” nilihoji.
“Ndiyo… mjukuu wangu Chimota hakufa kama unavyodhani!”
“Tobaaah!” nilishtuka.
“Amini… mimi nilizaliwa na ulozi wangu mkononi. Wachawi wote walinifuata kunitaka nijiingize katika uchawi wao na wanga. Nilikataa kufanya uchawi wa kuwadhuru watu, sikukubali… sikuwa tayari kumkamata mwanadamu mwenzangu nimfanya msukule… nilipinga jambo hilo.
“Basi wanajumuiya wenzangu wakaniona msaliti kwao, wakafanya hila za kila namna. Wakanichonganisha na wanajamii wote wanaonifahamu hata nikakosa rafiki. Watu wote wakaniogopa kuwa mimi ni mtu hatari ninayesababisha misiba ya watoto wao… kuogopwa huku ndiko kumenifanya leo hii niishi katika jumba hili la upweke.
“Walipoona wamenichonganisha na kunikosesha amani kwa kila kitu, ndipo walipoamua kuniharibia familia yangu pekee niliyoishi nayo kwa furaha. Walimchukua binti yangu mapema sana baada ya kujifungua. Walimtia uzuzu, akapambana nao kisu kwa kisu, wakaona wakimwacha atawamaliza wakamwua na kumtupa katika bonde la hasara.

“Binti yangu aliniachia kijukuu kizuri cha kiume… jina lake Chimota. Alilala hapo ulipolala wewe, nilipenda alivyoota. Ndoto zake zilijaa matumaini. Kuna kipindi aliota chuki kati ya watawala na watawaliwa imekwisha nayo roho ya kisasi imemezwa na kumeng’enywa. Kuna wakati aliniacha hoi alipoota ati vijana wote wenye nguvu kawaona wamepata kazi, hakuna hata mmoja anayekaba na kufanya uzinzi kama uliofanya wewe Mako.
“Wachawi hawakufurahishwa na hikima iliyojaa katika kichwa cha mjukuu wangu Chimota. Wakambeba. Watu wote hudhani Chimota alikufa… la hasha! Chimota yungali hai katika nchi ya matumbawe. Kavundikwa na hawaishi kutaka kumbadili awe na akili kama zao. Awe katili kama wao. Hawataweza!” mzee alimaliza, nami nikauliza swali:
“Bila shaka unahitaji msaada wa kumrejesha mjukuu wako, lakini mimi si mlozi. Huoni kama watanipiga kwa pigo moja tu mzinzi mimi?”
“Asante kwa kunielewa… ishi na mimi, nitakufua vyema na hakuna atakayeweza kupambana na wewe! Chimota atarudi. Nawe utamrejesha!
Tulimaliza mazungumzo yale na mzee. Nikamwomba ruhusa nifuate vitu vyangu ili nihamie kabisa mahali pale. Mzee hakusita, aliniruhusu nami nikatumia masaa matatu kukamilisha shughuli ya uhamishaji wa vifaa vya kapuku.
Asubuhi sana, mimi na mzee tuliongozana kuelekea baharini. Mzee alivalia kaptura ya kijivu na shati jeupe lililochoka kiasi. Mimi nilikuwa na suruali nyeusi na fulana ambayo kusema kweli siitambui rangi yake kwa sababu ya ule mpauko ilioupata baada ya kuwekwa mwilini kwa miongo kadhaa. Basi mimi na mzee tukatembea haraka kuiwahi safari ya kuvua samaki.

Tulifika baharini mzee akafungua nanga ya mtumbwi wake na pasipo kupoteza muda, mtumbwi ukaivamia bahari na kuisabahi kwa salamu ya kuwataka samaki wa maji chumvi.
“Mzee sasa tumezama chumvini!” nilitania. Mzee akacheka!
Mtumbwi ulisogea taratibu hata tukafika mbali. Lakini ghafla mimi na mzee tuliliona wimbi kubwa likija. Nikapatwa na mshituko mkubwa nisiyejua cha kufanya.
Itaendelea Jumapili…
“Si ruhusa kuchukua hadithi hii na kuiweka katika mfumo wa sauti, kutoa kitabu, kuweka katika blogu au ‘website’ nyingine, au kufanya chochote kile bila kuwasiliana na mmiliki! Hatua kali zitachukuliwa dhidi ya yeyote atakayekiuka!”
Daud Makoba 0754 89 53 21
Shusha maoni yako mdau!...

TAZAMA POVU LA MWALIMU MAKOBA KWA WASANII WAVAA HOVYO

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»