Jinsi ya Kupata Alama za Juu katika Mitihani Yako

By
Jinsi ya Kupata Alama za Juu katika Mitihani Yako
Siku chache zilizopita, nilipata wasaa wa kutembelewa na mwanafunzi wa kidato cha nne ambaye swali lake lilikuwa moja tu, “mwalimu, nawezaje kupata A katika mtihani?” nilimtazama kwa jicho la udadisi kijana yule mdogo, akanikumbusha mkasa wa mwanafunzi wangu aliyewahi kuwa ‘Tanzania One’ mwaka fulani kidato cha nne, kijana yule alipenda kunisumbua kwa swali kama hili, na leo naulizwa tena swali lilelile.
“Achana na A, hakikisha una maarifa stahiki unayopaswa kuyapata katika masomo ili uweze kuisaidia jamii yako!” nilijibu.
“Maarifa tayari ninayo, hiyo A naipataje?” aliuliza, jicho lake kalikaza kwangu.
Sikutaka kubishana na mwanafunzi wangu mwenyewe, nikamwamuru aketi katika kiti kidogo kilichokuwa mbele ya ofisi kisha nikamtaka anisikilize kwa makini. Baada ya kurekebisha koo, nikazungumza taratibu:

“Usile chakula chochote masaa matatu kabla ya mtihani

 Kula chakula  muda mfupi kabla ya mtihani huuchosha mwili kwani huwa upo katika shughuli ya umeng’enyaji wa chakula.

Pata usingizi wa kutosha

Usingizi unakuweka sawa na kukupa nguvu. Hakikisha angalau unalala masaa sita kwa siku.

Nukuu unaposoma

Usisome kama gazeti. Nukuu mambo muhimu, pia, unapomaliza kusoma hoja fulani, kwa mfano, ‘importance of studying history, andika pembeni kujipima kama unazikumbuka hoja ulizozisoma.

Kula mboga za majani na matunda

Pia upatapo nafasi, kula ‘chocolate’ kwa kiasi kidogo.

Kuwa na ratiba ya masomo na ifuate ratiba hiyo

 Usivunje ratiba yako bila sababu maalumu. Iheshimu ratiba yako, tunza muda.

Fanya mitihani ya 'pre necta' na 'solve past paper'

Itakusaidia kujua maswali yanavyotoka.

Wakati wa kufanya mtihani wako, hakikisha huchafui kazi yako 

Uchafu, hupunguza alama.

Mwisho, jiamini,” 

nilimaliza, nikafunga sentensi zangu na kumtazama bwana mdogo alikuwa akinisikiliza kwa makini.
“Asante mwalimu,” alishukuru, kisha akaendelea, “sasa naomba unipe mbinu zitakazonisaidia kuifuata ratiba yangu bila kuivunja.”
“oooh… hilo nitakujibu siku nyingine, kwa sasa ninaelekea Kigogo, kuna kigogo nakwenda kukutana naye haraka,” nilijibu, tukatazamana kwa macho yaliyosema KWA HERI YA KUONANA.
Mwalimu Makoba

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Fasihi ni Zao la Jamii | Harusi ya Dogoli na Vuta n’kuvute

By
Image
Swali Kwa mifano dhahiri kutoka katika riwaya ya Harusi ya Dogoli ya Athumani Mauya na Vuta N’kuvute ya Shafi Adam Shafi, jadili dai kuwa, fasihi ni zao la jamii. Jibu Zipo maana nyingi za fasihi zilizotolewa na wataalamu mbalimbali. Ya kwanza ni ile inayosema, Fasihi ni kioo cha maisha. Kwa maana kwamba, mtu anaweza akajitazama, akaona taswira yake na akajirekebisha, (Nkwera, 1970). Kwa ujumla, fasihi ni sanaa inayotumia lugha ili kufikisha ujumbe wake kwa jamii. Fasihi ni zao la jamii, hii ina maana kuwa, kazi zote za fasihi huandikwa kutoka katika jamii. Yaani fasihi huchota mambo fulani yaliyopo katika jamii ndipo ikaandikwa. Mifano dhahiri ya kauli hii, inajadiliwa kupitia riwaya mbili: Vuta N’kuvute yake Shafi Adam Shafi na Harusi ya Dogoli yake Athumani Mauya. Fasihi ni zao la jamii kwani inapata dhamira zake katika jamii. Katika Vuta N’kuvute Mwandishi anajadili dhamira ya mapenzi ameiga mapenzi halisi yaliyo katika jamii yetu na kuyaweka katika kitabu. Tunamuona k...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»