Jinsi ya Kuandika Kumbukumbu za Kikao| Mfano kutoka NECTA

By
Jinsi ya Kuandika Kumbukumbu za Kikao| Mfano Toka NECTA

Nikiwa nimekaa katika kiti kikubwa cha kuzunguka, mbele nikitazama ugomvi wa buibui na siafu, siafu alionekana kuelemewa kiasi kifo kilimwita kwa sauti ya upole.
“Mwalimu, kuna tatizo,” nilishtushwa na sauti ya mwanafunzi.
“Tatizo gani?” niliuliza.
“Mwalimu wa waalimu, sijui kuandika kumbukumbu za kikao, swali hili laweza toka  kwenye mtihani nikakosa alama.”
“Usiwaze alama pekee, katika maisha halisi, unaweza kushindwa kuandika kumbukumbu za kikao kinachokuhusu endapo utapewa jukumu hilo. Kuna baadhi ya nchi usipoweza kuandika kumbukumbu za kikao unafungwa jela!” nilimaliza kwa utani, wote tukacheka, kisha msafara wa watu wawili kuelekea darasani ukafuatia.

Jinsi ya Kuandika Kumbukumbu za Kikao

Unapoandika kumbukumbu za kikao, hakikisha unazingatia mambo manne ambayo ndiyo sehemu ya kumbukumbu za kikao:
1. Kichwa cha habari
2. Waliohudhuria
3. Wasiohudhuria
4. Ajenda
Ajenda imegawanyika katika mambo manne:
I. Kufungua kikao
II. Maandalizi
III. Mengineyo
IV. Kufunga kikao

Sasa tutazame mfano kutoka swali la necta mwaka 2011.

Andika kumbukumbu za kikao cha wanafunzi kuhusu sherehe ya kumuaga mkuu wenu wa shule aliyepata wadhifa wa kuwa Afisa Elimu wa Mkoa.
MUHTASARI WA KIKAO CHA KAMATI YA WANAFUNZI KUANDAA SHEREHE YA KUMUAGA MKUU WA SHULE KILICHOFANYIKA 24/06/2011 KATIKA UKUMBI WA SHULE KUANZIA SAA 5.00 ASUBUHI MPAKA 7.00 MCHANA.
A. WALIOHUDHURIA (wawakilishi wa madarasa)
I. Beatrice Ngonyani IA
II. Stella Oswald IIA
III. Mkolosai Emsii IIIB
IV. Ahmed Juma IV B
V. Manwa Kigoma (Mwenyekiti)
VI. Rashid Abubakar (Katibu)
B. WASIOHUDHURIA
I. BALQIS KOROFI (bila taarifa)
II. LUJJAYNA MWEUPE (kasafiri)
C. AJENDA
I. Kufungua kikao
II. Maandalizi
III. Mengineyo
IV. Kufunga kikao

I. Kufungua kikao

Mwenyekiti alifungua kikao mnamo saa tano kwa kuwakaribisha wajumbe na kuwaomba wawe huru kuchangia katika kikao hicho.

II. Maandalizi

Ili kufanikisha sherehe hiyo, wajumbe waliamua kuchagua kamati ndogo ambayo ingesaidia katika kufanikisha sherehe. Wajumbe wa kamati waliochaguliwa ni:
A. Beatrice Ngonyani IA
B. Stella Oswald IIA
C. Mkolosai Emsii IIIB
D. Ahmed Juma IV B

III. Mengineyo

Wajumbe walikubaliana kuchangia kiasi cha shilingi 1,000/= ili kumnunulia zawadi mkuu wa shule. Pia, walikubaliana kuhamasisha watu wajitokeze kwa wingi katika sherehe ya kumuaga mkuu wa shule.

IV. Kufunga kikao

Mwenyekiti alifunga kikao kwa kuwaomba wajumbe wawafikishie taarifa wanafunzi wote kuhusu yaliyokubaliwa katika kikao na kutoa ushirikiano ili kufanikisha sherehe. Kikao kilifungwa saa 7.00 mchana.
….……………………                                 …………………………….
Manwa Kigoma (Mwenyekiti)                     Rashid Abubakar (katibu)
Tarehe 24/06/2011                                     Tarehe 24/06/2011

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Uhakiki wa Riwaya ya Watoto wa Maman’tilie

By
Image
MWANDISHI: EMMANUEL MBOGO WACHAPISHAJI: HEKO PUBLISHERS MWAKA: 2002 MHAKIKI: MWALIMU MAKOBA Wasifu wa Mwandishi Emmanuel Mbogo ni Profesa wa drama na fasihi na amehudumu katika vyuo vikuu mbalimbali ikiwemo, Chuo Kikuu cha Kenyatta Kenya na Chuo Kikuu Huria. Mbogo ni mwanafasihi mahiri sana katika Afrika ya Mashariki. Muhtasari wa Riwaya Maman’tilie, mama mwenye watoto wawili lakini wote wamefukuzwa shule kwa kukosa ada na sare. Anajitahidi hapa na pale ili apate, lakini wapi? Pesa imegeuka nyoka inateleza kwenye nyasi. Mumewe Mzee Lomolomo hana muda, yeye kila kukuchapo huelekea bunge la walevi kunywa pombe tani yake. Akiwa huko hunywa na kurudi nyumbani akiwa mbwii! Mwisho mwandishi anauliza swali gumu, ‘Nani anajali?’ Uchambuzi wa Fani na Maudhui Maudhui Katika Riwaya ya Watoto wa Maman’tilie Maudhui hujumuisha mawazo na pengine mafunzo mbalimbali yaliyomsukuma mtunzi ama mwandishi wa kazi ya fasihi akaandika kazi yake. Dhamira Dhamira ni lile wazo linalom...
Read More»

Uhakiki wa Tamthiliya ya Kilio Chetu

By
Image
TAMTHILIYA; KILIO CHETU MWANDISHI; MEDICAL AID FOUNDATION MCHAPISHAJI; TANZANIA PUBLISHING HOUSE MWAKA; 1995 JINA LA MHAKIKI; Mwalimu Daud Makoba Kilio chetu ni tamthiliya inayovunja ukimya uliotawala miongoni mwa jamii katika kutatua matatizo makubwa ambayo chimbuko lake ni mahusiano ya kijinsia. Katika tamthiliya hii vijana wanatoa sauti ya jitimai iliyojaa sononeko na shutuma dhidi ya wazazi, walezi na viongozi ambao wanafumbia macho suala hili nyeti. Ndiyo maana tamthiliya hii inasisitiza sana haja ya kuwapa vijana elimu juu ya mahusiano ya kijinsia badala ya hofu na vitisho ambavyo vimedhihirika kupitia hali halisi ya kuwa vimeshindwa. FANI MUUNDO Tamthiliya hii imetumia muundo wa moja kwa moja. Inaanza kwa kutuonesha wazazi wakibishana juu ya kutoa elimu ya jinsia na mahusiano. Mwisho Joti mtoto ambaye hakupatiwa elimu hiyo anampa mimba mtoto mwenzake Suzi. Baadae Joti anakufa kwa UKIMWI. Pia tamthiliya hii imegawanywa katika sehemu sita. sehemu y...
Read More»