Mwanamke Uliyekula Pesa Zangu Utanitambua 3 | Riwaya

By
Mwanaume akivuta sigara
Na: Mwalimu Makoba

 Baada ya mazungumzo marefu, Lightness aliondoka nyumbani kwa Mako. Mwanamume akabaki akiwaza juu ya kazi ngumu aliyotakiwa kuifanya.
“Nimefanya kazi nyingi zilizoikomboa nchi hii, lakini kila nikimaliza tatizo, hakuna anayenikumbuka, wanasherekea wenyewe na kupeana sifa katika karamu za kifahari. Mimi hukumbukwa tena pindi litokeapo tatizo,” Mako aliwaza peke yake.
“Hata hivyo nchi ipo katika hali mbaya kwa sasa, siwezi kukaa kimya, huu ni usaliti kwa nchi yangu, lazima niwashikishe adabu wapuuzi wote wanaonyanyasa wanyonge,” Mako alihitimisha mawazo yake. Awazapo namna hii, kazi kubwa huanza.
Haraka alinyanyuka katika sofa, akarusha mateke na ngumi mfululizo mpaka alipohisi yupo sawa kwa mapambano. Mwenye uchungu na nchi yake, alikisogeza pembeni kitanda, kisha akafunua chini katika sakafu, humo alificha siraha zake nyingi za maangamizi. Aliamua kuchukua siraha mojawapo, bunduki ya kisasa, Norinco 97, akaifuta vumbi na kuirudisha pahala pake. Alipomaliza ukaguzi wa siraha, akapanga kila kitu kama kilivyokuwa awali, kisha akachukua simu yake na kumwandikia ujumbe mfupi Lightness, “kazi imeanza.”
Nchi ya Andalasu ilikuwa katika shida kubwa. Mgodi pekee uliotegemewa na taifa hili masikini, ulivamiwa na kundi la wanyang’anyi waliokuwa na siraha za moto. Haikufahamika, ni nani alikuwa nyuma ya kundi hili. Kwa kuwa mgodi huu unaotoa Almasi kwa wingi kuliko mgodi wowote ule Duniani ulikuwa mikononi mwa wanyang’anyi, serikali ilipoteza fedha nyingi na ilianza kushindwa kujiendesha, hali ilikuwa mbaya katika serikali na uchumi wa nchi nzima.

 Bofya Hapa Kujiunga Kundi la Riwaya za Mwalimu Makoba WhatsApp
Mgodi ulipotekwa mara ya kwanza, kilitumwa kikosi cha askari kwenda kuukomboa, askari wote waliuawa. Baada ya hapo kikatumwa kikosi cha makomando, ambacho nacho kilifyekelewa mbali na hakuna aliyebaki. Vikosi vingi viliendelea kutumwa na matokeo yalikuwa yaleyale, hakuna aliyerudi akiwa hai. Serikali ikawa katika hofu kubwa ya wanyang’anyi hawa wasiofahamika.
Vikosi vingine vilipotumwa kwenda kupambana na wanyang’anyi hawa, vilikataa kwa kutoa sababu kuwa, silaha walizotumia wao zilikuwa za kiwango cha chini mno ukilinganisha na wanyang’anyi ambao wao walitumia silaha kali zaidi. Wakati askari wa serikali wakienda kuvamia wakiwa na siraha aina ya SMG yenye uwezo wa kubeba risasi 30, wanyang’anyi walitumia siraha za maangamizi kama IWI X95 TAVOR ambayo iliweza kupiga risasi 950 kwa dakika! Mwenye nguvu mpishe.
Baada ya kuonekana kushindwa kwa vikosi vya serikali, suluhisho pekee lilikuwa kwa Mako, walimfahamu kwa sababu amesaidia mambo mengi akiwa raia mwema tu. Walipotazama matukio makubwa aliyoyafanya, wakaamini anawafaa, ndipo kwa kasi ya radi juhudi za kuanza kumshawishi zikaanza na mpaka sasa, Mako kakubali na yuko tayari kupambana.
Katika chumba alichokaa Mako mlio wa risasi ulisikika. Isingekuwa wepesi wake wa kudondoka chini, risasi ile ingelipasua fuvu lake na kumfanya atupwe katika shimo la sahau. Aliyetumwa kufanya mauaji yale alimtambua vyema Mako, alipoona kamkosa alifahamu nini kingefuata. Hakutaka kuhangaika, akakimbia.
Mako alimwona kijana yule akikimbia, alitoka na kuanza kumfuatilia taratibu ili ajue alikokwenda. Kijana alikata kona na kuingia barabara ya dhiki, hapo ndipo aliegesha gari yake. Wakati anaondoka, Mako alikodi baiskeli kwa mfanyabiashara mmoja aliyekuwa anakodisha baiskeli eneo hilo. Gari ikawa mbele, na Mako akawa nyuma na baiskeli yake, aliacha umbali mkubwa ili kuepuka kuonekana.
Gari liliingia barabara ya Matumaini, kisha likakunja kona na kuyafikia makazi ya Uzitoni. Inasemekana katika jiji la Igaga, Uzitoni ndipo walikaa watu. Kijana aliendesha na kushuka katika nyumba ya kifahari, aliingia humo na hakutoka kwa wakati huo. Mako aliitambua nyumba ile, ilikuwa nyumba ya Mwanamama tajiri na waziri wa madini na ardhi, Ramona Fundikila.
Itaendelea Jumapili...


Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»