Kiswahili Online Examination Kidato cha Nne 2 2019

By
darasa tupu

Endapo unataka kufanya mtihani huu ili usahihishwe na Mwalimu, zingatia mambo haya:

1. Mtu yeyote na popote alipo anaruhusiwa kufanya mtihani huu.
2. Fanya mtihani huu kwa kutumia aina yoyote ya karatasi.
3. Ukimaliza, piga picha karatasi hizo kisha zitume WhatsApp kwenye namba ya Mwalimu Makoba, 0754 89 53 21.
4. Subiri mtihani wako usahihishwe, Urudishiwe na ufanyiwe masahihisho.
5. Gharama ya mtihani huu ni shilingi 2,000/= (elfu mbili).
Namba za malipo ni: M – Pesa 0754 89 53 21 (Daud Mhuli) na Tigo pesa 0653 25 05 66 (Daud Makoba)
“Kwa kuwa lengo la mtihani huu ni kutaka kujua uwezo na mapungufu ya mwanafunzi ili aweze kupewa mbinu mbadala za kumsaidia kufaulu mtihani wake wa mwisho, kufanya udanganyifu hakuna faida yoyote kwani lengo la mtihani si kubaini nani atakuwa wa kwanza na yupi atakuwa wa mwisho!”
It is far more honorable to fail than to cheat.
Sasa fanya mtihani wako…

Muda: Saa 2.30
Maelekezo:
1. Jibu maswali yote isipokuwa kama imeelekezwa vingine katika maelekezo ya kipengele cha swali husika.
2. Andika jina lako katika kila ukurasa wa karatasi yako ya kujibia.
3. Kwa manufaa yako, usifanye udanganyifu.

Sehemu A (alama 10)  (Ufahamu)

1. Soma kifungu cha habari kifuatacho kisha jibu maswali yanayofuata.
Ugonjwa wa homa ya Dengue ni ugonjwa ambao unasambaa kwa kasi nchini Tanzania. Watu wengi wameambukizwa na wengine wamepoteza maisha kwa sababu ya ugonjwa huu.
Ugonjwa wa homa ya dengue unasababishwa na mbu na kinga pekee ya kuzuia homa hii, ni kuepuka kung’atwa na mbu aenezae homa ya dengue. Sasa watu wapo katika taharuki wakihofia ugonjwa huu.
Dalili za homa ya dengue ni pamoja na: homa kali ya ghafla, maumivu ya kichwa, macho kuuma, maumivu ya shingo, kichefuchefu, kutapika, kutokwa na vipele na kutokwa na damu puani. Ukiona dalili hizi kimbia haraka hospitali kufanya vipimo.
Ugonjwa huu kwa kiasi kikubwa unarudisha nyuma maendeleo ya nchi yetu, hivyo, hatua za makusudi zinatakiwa zichukuliwe kupambana na janga hili.
Wananchi wanashauriwa kuangamiza mazalia ya mbu, hii ni njia pekee ambayo itazuia kusambaa kwa ugonjwa huu.
Hakuna dawa maalumu ya kutibu homa ya dengue, hata hivyo, matapeli wameshaanza kujitokeza wakidai wanadawa iliyotengenezwa kwa majani ya mpapai, yote hii ni kutaka kuwaibia wananchi.
Hata hivyo, wagonjwa wanashauriwa kunywa maji mengi na panadol kwani kwa kufanya hivyo, wanaweza kupata nafuu na kupona.
Ni wito wangu kwa serikali kuingilia kati tatizo hili kwa kuwasaidia wananchi kupuliza dawa itakayoangamiza mbu. Kwa kufanya hivyo, dengue itabaki historia!

Maswali

A. Eleza sababu moja inayosababisha homa ya dengue
B. Taja dalili tatu za homa ya dengue
C. Taja sababu moja itakayoondoa kabisa homa ya dengue
D. Andika kichwa cha habari kinachofaa kwa habari uliyosoma
2. Fupisha habari uliyosoma kwa maneno yasiyopungua 100 na kuzidi 120.

Sehemu B (Alama 25)  Sarufi na Utumizi wa Lugha

3. Bainisha aina za maneno zilizopo katika sentensi zifuatazo:
I. Amina anacheza mpira uwanjani.
II. Baba na mama wanakwenda sokoni.
III. Yule mzuri kaacha shule.
IV. Watoto wetu wamelala usingizi.
V. Samaki huyu amekunjwa akiwa mbichi.
4. Taja majina mengine mawili ya neno ‘fedha’.
5. Taja maana ya maneno haya
I. Kikongwe
II. Gubu
III. Seremala
IV. Jeneza
V. Kaburi

Sehemu C (Alama 10)  Uandishi

6. Eleza tofauti tano zilizopo kati ya insha za kisanaa na zile zisizo za kisanaa.

Sehemu D (Alama 10)  Maendeleo ya Kiswahili

7. Eleza ukuaji wa Kiswahili kimsamiati katika enzi ya Waarabu.

Sehemu E (Alama 45)  Fasihi kwa Ujumla 

(Jibu maswali matatu, swali la 12 ni la lazima)

8. Ukitumia maelezo mengi na mifano, fafanua aina mbili za fasihi.
9. “Washairi waandikapo kazi zao, huyatazama yale yaliyopo katika jamii na kuyaweka katika mashairi.” Fafanua ukweli wa kauli hii ukitumia diwani mbili ulizosoma. (Hoja tatu kwa kila kitabu.)
10. “Kila riwaya lazima iwe na dhamira fulani zilizomsukuma mwandishi kuandika kazi yake.” Jadili ukweli wa kauli hii ukitumia riwaya mbili ulizosoma.
11. “Tamthiliya ni mwigo wa mambo yatendekayo katika jamii.” Kubali kauli hii kwa kutumia tamthiliya mbili ulizosoma. (Hoja tatu kwa kila kitabu).
12. Kwa kutumia mifano, pambanua mikondo mitano ya hadithi.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»