Maneno Kuhusu Format (muundo) Mpya 2019 Mtihani Kidato cha 4

By
necta format 2019
Saa moja na nusu usiku, vinasikika vishindo katika kona ya mwisho nifike nyumbani kwangu. Nageuka kutazama, naona watu wakikimbia mbio kunifuata nilipo. Nashtuka, natazama bahasha ya kaki iliyojaa fedha… Sikuiweka mbali, niliishika kwa mkono wa kushoto. Naendelea kutazama, sasa wananikaribia na natambua idadi yao wapo 4+5 yaani tisa. Nawaza kimya kimya, “nimepita kote huko salama, naporwa nimefika nyumbani?” nataka kukimbia, lakini nakumbuka mimi ni mwalimu wa walimu na wanafunzi. Sipaswi kukimbia hovyo hovyo mithili ya kichwa cha mwendawazimu kikiusaka mpira! Hata hivyo, nakaa katika mkao wa kujihami, mguu wa kulia nauacha nyuma kidogo kisha najisemea, “wakinikaribia, nitampiga teke yule mfupi, kisha nitafurumusha kareti kwa wale nane waliobaki. Nasimama wima!
Vijana wale wananifikia, nabaini si watu wabaya, pengine ndiyo sababu riwaya yangu hii inageuka tamthiliya. Kumbe ni wanafunzi wangu mwenyewe!
MWANAFUNZI 1: Mwalimu, tusaidie format mpya ya mtihani imetoka.
MIMI: Niwasaidie nini? Kuirudisha ilipotoka?
MWANAFUNZI 2: (Akicheka) Hapana mwalimu, tusaidie kutuelewesha ndiyo ikoje hii? Hatujui tuelimishe.
MIMI: Format kama mnavyoiita, ni muundo tu wa mtihani, mada mnazosoma darasani ni zilezile hakuna mabadiliko. Ila muundo wa mtihani uliokuwa unauona katika mitihani iliyopita, utabadilika.
MWANAFUNZI 3: Nimekuelewa, lakini hebu ongeza mifano katika hoja.
MIMI: Nitatoa mfano katika somo la Kiswahili, format ya zamani ilikuwa na maswali 15. Na swali la 15 lilikuwa la lazima, lakini format mpya ina maswali 12. Pia jambo jipya ni kwamba, swali la kwanza litakuwa la kuchagua (multiple choice). Swali la pili litakuwa la kuoanisha, zamani swali la pili lilihusu kufupisha habari uliyosoma!
MWANAFUNZI 4: Kwa nini wamefanya mabadiliko haya mwalimu?
MIMI: Katika ripoti yao, wamesema wamefanya mabadiliko haya ili kuisaidia Tanzania kuwa taifa la uchumi wa kati na kupata viwanda. (Wote wanacheka).
MWANAFUNZI 5: Hiyo ni sababu dhaifu sana Mwalimu, kwa sababu sidhani kama kubadili muundo wa mtihani kunaweza kuleta viwanda, labda kama tungebadili mada zinazosomwa. Hebu tupe sababu nyingine waliyotoa.
MIMI: Sababu nyingine ni kuendana na mabadiliko ya silabasi na kuanzishwa kwa sera mpya ya elimu mwaka 2014. (Wanaafiki hoja hii.)
MIMI: (Nikiwatazama Mwanafunzi 6,7,8 na 9 ambao kwa muda wote wako kimya)… kumbukeni kuwa, kilichobadilika ni muundo wa mtihani kama vile idadi ya maswali, aina ya maswali n.k, lakini mada za kusoma ni zilezile! Katika mitihani yangu mipya ya Online, nitatunga kwa kutumia format mpya ili muweze kuona ilivyo!
Tunaagana kwa furaha. Wao wanashika njia yao, nami nashika njia yangu na ile bahasha ya kaki yenye fedha.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni ...
Read More»

Vichekesho vya Kuchekesha na Kuvunja Mbavu 1

By
Image
1. Kukosa hela ni vibaya sana, unaweza kukutana na ng’ombe ukahisi wanakusema. 2. Kama huna gari , huna nyumba, huna simu na huna hela, tofauti yako na kenge ni mkia. 3. Siyo kila anayeamka saa sita mchana ni tajiri, wengine wanapunguza saa za kuteseka. 4. Mtu mmoja aliota anaendesha gari, ikakwama kwenye matope, akaanza kuisukuma. Alipoamka, akajikuta yupo na kitanda jikoni. 5. Maisha ni ya ajabu sana, unakuta mtu hajaoa lakini chumba anachoishi kuna panya wana familia zao na yeye ndiyo anawalisha. 6. Ukiwa ugenini usinyamaze sana. Wenyeji wanaweza wakadhani unafikiria kuwaua. 7. Kila mtu anauogopa usiku. Kichaa mmoja alisikika akisema, “Usiku umeingia waniroge tena.” 8. Pombe mbaya, nimekutana na mlevi anatafuta wanawake wembamba atengeneze fagio. 9. Niliwahi kupanda basi, dereva analalamika njia nzima, “Nimefanya kazi miaka mingi, mafanikio hakuna. Sasa leo mwisho.” Abiria wakaanza kuomba kushuka mmojammoja. 10. Mchana hupati hela, usiku hupati usingizi. Kwa kifupi...
Read More»